Adliya vazirligi “Umumiy o‘rta ta’lim to‘g‘risida”gi nizomga ko‘ra, birinchi chorakda o‘quvchilar necha kun dam olishi haqida eslatib o‘tdi. 
“Umumiy o‘rta ta’lim to‘g‘risida”gi nizomga ko‘ra, maktabda kuzgi ta’til, ya’ni birinchi chorak yakunlanganidan so‘ng beriladigan dam olish kunlari 4-noyabrdan boshlab 6 kalendar kuni etib belgilangan. 
Shuningdek, ushbu nizomga ko‘ra, ta’tillarning muddatlari quyidagicha belgilangan:

– qishki ta’til (II chorak) – 28-dekabrdan 14 kalendar kuni;

– bahorgi ta’til (III chorak) – 21-martdan 7 kalendar kuni;

– yozgi ta’til (IV chorak) – oxirgi bosqichli nazorat sinovi o‘tkazilgan kundan (bosqichli nazorat o‘tkazilmaydigan sinflar uchun o‘quv yili tugagan kundan keyingi kundan) boshlab 1-sentabrgacha.

Ta’tilning oxirgi kuni bayram (dam olish) kuniga to‘g‘ri kelib qolgan taqdirda, dars mashg‘ulotlari keyingi ish kunidan boshlanadi yoki davom ettiriladi.

Ma’lumot uchun, yuqoridagi ta’tillardan tashqari birinchi sinf o‘quvchilari uchun fevral oyi davomida qo‘shimcha bir haftalik ta’til belgilanadi.