2025-yil 20-may kuni StartupBlink o‘zining yangilangan Global Startup Ecosystem Index 2025 ma’lumotlarini e’lon qildi. Bu hozirgi kunga qadar global startap iqtisodiyotining eng keng qamrovli tahlili hisoblanadi.

Hisobotda 1400 ta shahar va 110 ta davlatning innovatsion iqtisodiyot yetakchilarini aniqlagan reytinglari keltirilgan. Indeks global ma’lumotlar hamkorlari, jumladan Crunchbase, Semrush va 100 dan ortiq davlat idoralari bilan hamkorlikda ishlab chiqilgan.

O‘zbekiston 2025-yilda birinchi marta global 100 ta eng yaxshi startap ekotizimlari qatoriga kirdi. Mamlakat rekord darajadagi o‘sishga erishdi va Markaziy Osiyodagi eng tez rivojlanayotgan startap markaziga aylandi.

O‘zbekiston birinchi marta jahon miqyosida 98-o‘rinni egallagan holda, jahonning 100 taligiga kirdi. Mamlakat ekotizimining o‘sishi 132 foizdan oshdi, bu Markaziy Osiyoda eng yuqori va jahon miqyosida ikkinchi o‘rinda turadi.

O‘zbekiston Osiyoda o‘z mavqeini yaxshiladi va 17-o‘ringa ko‘tarilib, mintaqada ketma-ket uchinchi yil o‘sish sur’atini qayd etdi. Markaziy Osiyoda O‘zbekiston Qirg‘izistonni ortda qoldirib, ikkinchi o‘rinda.

Toshkent Global Startup Ecosystem Index 2025 bo‘yicha 132 foiz ekotizim o‘sishi bilan Markaziy Osiyodagi eng tez rivojlanayotgan shaharga aylandi. Shahar birinchi marta global 400 talikka kirdi va 350-o‘rinni egalladi.

• O‘zbekiston