Odatda quyoshdan kuygan teri uy sharoitida qatiq, kefir yoki smetana surtish bilan “davolanadi”. Biroq, ushbu usul ayrim holatlarda vaziyatning yana-da yomonlashishiga sabab boʻlishi mumkin.

Dermatolog Olga Jukovaning aytishicha, qatiq va kefir tarkibida zamburugʻ mavjud boʻlib, u teriga bakterial infeksiya tushishi ehtimolini oshiradi. Smetana tarkibida esa yogʻning nisbati juda katta, uni kuygan teri ustidan surtish jarohat holatini yanada yomonlashtiradi.

Shifokor quyoshdan kuygan teriga tarkibida spirt mavjud boʻlgan vositalar bilan ishlov berish, uni sovun bilan yuvish, haddan tashqari yogʻli krem surtish mumkin emasligini taʼkidladi.

“Iliq qaynatmalar, qora choy, moychechak va marvak damlamasi teri kuyishida katta yordam beradi”, dedi shifokor.