O‘zbekiston Respublikasi tashqi ishlar vazirligi Hindiston va Pokiston o‘rtasidagi munosabatlarda keskinlik kuchayib borayotganidan chuqur xavotir bildirdi. Bu haqda tashqi siyosat idorasining rasmiy bayonotida ma’lum qilindi. Ta’kidlanishicha, O‘zbekiston tomoni Hindiston va Pokiston o‘rtasidagi keskinlashib borayotgan holatning rivojlanishini xavotir bilan kuzatmoqda.

“Ikkala tomonni vazminlik ko‘rsatishga, tinchlik va barqarorlik manfaatlari asosida harakat qilishga, vaziyatning yanada yomonlashishini oldini olish uchun diplomatik muloqotga ustuvor ahamiyat berishga chaqiramiz.

O‘zbekiston vaziyatni deeskalatsiya qilish va tinch yo‘l bilan hal qilishga qaratilgan har qanday xalqaro yoki mintaqaviy harakatlarni qo‘llab-quvvatlashga tayyor” – deyiladi bayonotda.

• Hindiston
• O‘zbekiston
• Pokiston