Ҳиндистоннинг Керала штатида яшовчи 18 ёшли Сучета Сатиш Дубайда ўтказилган мусиқа фестивалида 140 та тильда қўшиқ куйлаб, Гиннесга кирди.
Маълумотларга кўра, Сучета Сатиш бу натижага эришиш учун 10 йилдан ортиқ ўз устида ишлаган. Шундан сўнг, у 9 соат давомида тинимсиз қўшиқ куйлашга муваффақ бўлган.

Сучета Сатиш ижтимоий тармоқлардаги саҳифасида ўрнатган рекорди ҳақидаги хабарни бўлишди ва уни қўллаб-қувватлаган барчадан миннатдор бўлди.

“Консертим чоғида Яратганнинг марҳамати билан 9 соат давомида 140 тильда қўшиқ куйлаб, Гиннеснинг рекордлар китобига кирганимдан хурсандман. Барчангизга тилакларингиз ва қўллаб-қувватлаганингиз учун раҳмат”, деган у.
Шунингдек, ҳиндистонлик Сучета битта концерт давомида кўп тилларда қўшиқ куйлагани учун “Global Child Prodigy 100" мукофотига ҳам сазовор бўлди.

• Гиннес
• Ҳиндистон