Европа космик агентлиги (ESA) қошидаги Ерга яқин объектларни мувофиқлаштириш маркази хавфлар рўйхатига 2023DW код номини олган янги фазовий жисмни қўшиб қўйди. Бу 2046 йил 14 февралда Ер билан тўқнашиши мумкин бўлган астероиддир. Қайд этилишича, унинг диаметри 49,29 метр бўлиб, у олимпия сузиш ҳавзаси ҳажмига тенг.
Тўқнашув хавфи 625 тадан 1 тани ташкил этади, бу олимлар стандартлари бўйича жуда юқори эҳтимоллик ҳисобланади. Эндиликда марказнинг потенциал таҳдидлари рўйхатида 1449 та объект мавжуд бўлиб, 2023DW улар орасида ўнинчи ва катталиги бўйича 200 та эҳтимолий тўқнашув рўйхати бўйича биринчи ўринда қайд этилган.
Ҳозирча астероиднинг аниқ шакли номаълум. Бундан ташқари, тадқиқот яқинда бошланди, келажакда орбита бўйича аниқроқ ҳисоб-китоблар Ер билан алоқа ҳозирда тахмин қилинганидан камроқ эканлигини кўрсатиши ҳам мумкин.
Бундан ташқари, 50 метрли 2023DW тўқнашувда ҳалокатли зарар етказиш учун етарлича катта, деб ҳисобланмайди. Аммо агар хавф ҳали ҳам мавжуд бўлса, NASA ёки бошқа агентликлар астероид орбитасини ўзгартириш ва тўқнашувнинг олдини олиш учун DART каби тизимлардан фойдаланиши мумкин.
Қайд этиш мумкин, DART тизимлари океан тубидаги цунамидан ўтган босим ўзгаришларини сезиш ва бу ўзгаришларни табиий офат ҳақида огоҳлантириш марказларига етказиш учун мўлжалланган тизим. Ҳар бир DART тизими океан тубига ўрнатилган пастки босим қайд қилувчи қурилмадан ва алоҳида боғлаб қўйилган йўлдош сиртидан иборат.
Аввалроқ, Амалий математика институти (IPM) ўлчами 800 метр, деб тахмин қилинган астероид Ерга яқинлашгани хабар қилинган.
Ўшанда олимлар астероидни кузатиш, унинг аниқ траекторияси ва шунга мос равишда ўрта муддатли истиқболда Ер учун хавф даражасини аниқлаш режалаштирилганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!