Жорий йилнинг 9 январь куни Ўзбекистон ҳудудига Волгабўйидан Россиянинг Европа қисми шимолий ҳудудларида шаклланган совуқ ҳаво массаси кириб келиши бошланади.
9-11 январда Ўзбекистоннинг катта қисмида ёғингарчилик (ёмғир, қор) бўлади. Тоғ олди ва тоғли ҳудудларда қор ёғади, баъзи жойларда эса кучли бўлади.
9-10 январда баъзи жойларда шамол секундига 15-20 метргача кучайиши мумкин.
10-15 январда республика бўйича аномал совуқ об-ҳаво бўлиши кутилмоқда. Ҳаво ҳарорати кечалари 12 – 17 даража совуқ, кундуз кунлари эса 5 – 8 даража совуқ бўлади.
Шимоли ҳудудларда кечалари -17 дан -22 даража, Устюртда ва чўл ҳудудларда эса -25 дан -27 даражагача совуқ об-ҳаво кузатилади. Кундуз кунлари эса 7 – 10 даража совуқ бўлади.
Жанубда ва Фарғона водийсида иқлим кечалари 5 – 10 даража совуқ кундуз кунлари 2 – 5 даража совуқгача пасаяди.
Йўлларнинг баъзи қисмларида яхмалак юзага келиши мумкин.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!