Ўтган йили Тайсон Фюрига қарши иккита жангда 24 раунд тўлиқ жанг ўтказган Александр Усик катта танаффус олишга қарор қилган.

Украиналик жаҳон чемпиони Тайсон Фюрини ҳар икки жангда ҳам очколар ҳисобига кўра мағлубиятга учратган эди. Усик энди ёзгача аниқ рингга қайтмайди. Бу ҳақда унинг менежери Эгис Климас маълум қилган.

“Бу узоқ давом этадиган танаффус бўлади. Фюри билан бўлиб ўтган 12 раундлик жанг узоқ муддатли тикланишни талаб қилади. Усик июль, балки август ойида ҳам рингга қайтмас”, – деган Климас.  

Шунингдек, Климас мижозининг кейинги эҳтимолий рақиби IBF чемпиони британиялик Даниэл Дюбуа бўлиши мумкинми деган саволга ҳам жавоб берган.

“Дюбуа аввал Жозеф Паркерни мағлуб этиб олсин. Кейин Усикка қарши жанг ҳақида ўйласа бўлади”, – деган Эгис. 

• Бокс
• Usik