Аввалроқ, Ўзбекистон Президенти Администрациясининг Ахборот сиёсати департаменти собиқ раҳбари Комил Алламжоновга суиқасд уюштирилгани хабар қилинганди. Бош прокуратура хабар беришича, мазкур ҳолат юзасидан жиноят иши қўзғатилган.

Қайд этилишича, бугун, 26 октябрь куни соат 01:40 ларда фуқаро С.С.нинг бошқарувидаги Range Rover русумли автомашина Қибрай тумани, Ифор кўчаси бўйлаб ҳаракатланган вақтида 2 нафар номаълум шахслар мазкур автомашинага ўқотар қуролдан бир неча маротаба ўқ узиб, номаълум томонга яширинган. Ушбу ҳолатда бирор-бир шахс тан жароҳати олмаган.

Мазкур ҳолат юзасидан Жиноят кодексининг 25,97-моддаси (Қасддан одам ўлдиришга суиқасд қилиш) билан жиноят иши қўзғатилган.

Ҳозирда тегишли идораларнинг малакали ходимларидан иборат тезкор-тергов гуруҳи тузилиб, тергов ҳаракатлари олиб борилаётгани маълум қилинди.

• Комил Алламжонов