Apple компанияси ўз маҳсулотлари эгаларига гаджетларини ўзлари тузатишлари учун имконият яратмоқчи. Бу ҳақда компания интернет дўконида пресс-релиз берилган бўлиб, унда яқин кунларда интернет дўконида Apple гаджетларининг оригинал эҳтиёт қисмлари савдоси йўлга қўйилиши хабар қилинган.

Оригинал эҳтиёт қисмлар қатори, интернет дўкон гаджетни қандай тузатиш юзасидан йўриқнома ҳам беради. Эслатиб ўтамиз, бунгача компаниянинг оригинал эҳтиёт қисмлари фақат рўйхатдан ўтган сервис марказларига берилар эди.

Ушбу имконият 2022 йилдан АҚШда йўлга қўйилади. Компания шундан сўнг бошқа мамлакатларда ҳам бу сервисни ишга туширишни режалаштирган. Аввалига iPhone 12 ва iPhone 13 гаджетларининг экрани, камера ва аккумульяторлари эҳтиёт қисмлари савдога чиқарилиши маълум қилинди.

Аввалроқ Apple компаниясининг iPhone 13 смартфонини етказиб беришда муаммо бўлаётгани ҳақида хабарни берган эдик.

• Apple
• технология