“Consumer Intelligence Research Partners” (CIRP) таҳлилий агентлиги тадқиқотчилари “Apple” технологияси фойдаланувчиларининг ёш профили таҳлили ҳақидаги ҳисоботни чоп этди. Хулоса жуда кутилган бўлиб чиқди: “iPhone” одатда ёшлар томонидан кўпроқ танланади.

Муаллифлар қанча маълумотни таҳлил қилганига аниқлик киритмаган, бироқ улар 2022 йилда ушбу гажетлардан камида биттасини сотиб олган “iPhone”, “iPad” va “Mac” қурилмаларининг эгаларини ҳисобга олганликлари ҳақида ёзишди.

Маълум бўлишича, ўртача ҳисобда янги “Apple” технологияси эгаларининг ярми 34 ёшдан катта эмас, фойдаланувчиларнинг 70 фоизи эса 45 ёшгача бўлганлардир. Таҳлилчиларнинг фикрича, компания томонидан ишлаб чиқарилган гаджетларни сотиб олиш бўйича 25-34 ёшдагилар энг фаол.

Графикда барча турдаги “Apple” қурилмаларининг машҳурлиги 45 ва ундан катта ёшдаги томошабинлар орасида қандай пасайиб бораётгани аниқ кўрсатилган. Шу билан бирга, турли хил қурилмалар ўртасида машҳурликнинг тарқалиши минималдир. CIRP таъкидлашича, бу “Apple сеҳри амалда” эканини кўрсатади.

Шуни таъкидлаш керакки, ушбу мақолада янги қурилмаларни сотиб олиш ҳақида фикр юритилмоқда. Аксарият ҳолларда смартфон ёки ноутбук сотиб олинади ва эскисини оила аъзоларидан бирига ўтиши одатий. Шунинг учун CIRP тадқиқоти фойдаланувчиларнинг ҳақиқий тақсимланишини эмас, балки сотиб олиш моделларини ўзида акс эттиради.

Қайд этиш мумкин, 1976 йил 1 апрель куни Стив Жобс, Стив Возняк ва Рональд Уэйн томонидан асос солинган “Apple” шахсий ва планшет компьютерлар, аудиоплеерлар, смартфонлар, дастурий таъминот ва рақамли контентни ишлаб чиқарувчи Америка корпорациясидир. Бош қароргоҳи Калифорния штатининг Купертино шаҳрида жойлашган. “Apple”нинг деярли барча маҳсулотлари Осиёдаги заводларда пудратчи компаниялар томонидан ишлаб чиқарилади. Энг йирик пудратчи Тайваннинг “Foxconn” компанияси бўлиб, энг йирик заводи Чженжоу шаҳрида (Хитой) жойлашган.

Компания сотувининг ярмидан кўпи “iPhone”ларга тўғри келади, 2021 йилда дунё бўйлаб 900 миллионга яқин ана шундай смартфонлар қўлланилади. Компания учун энг катта бозор АҚШ бўлиб, Хитой, Япония ва бир қатор Европа мамлакатлари даромадларида салмоқли улушга эга.

• Apple
• iPhone