“Apple” ўзининг “AirPods” қурилмаларини эшитиш воситаларига айлантиришни режалаштирмоқда. Бу ҳақда таниқли инсайдер ва “Bloomberg” шарҳловчиси Марк Гурман маълум қилди, деб ёзмоқда “MacRumors” нашри.

Гурманнинг сўзларига кўра, “Apple” ҳозирда “AirPods” имкониятларини кенгайтириш устида ишламоқда. Қайд этилишича, улар тўлақонли тиббий қурилмага айланиши мумкин. Компания эшитишида муаммолари бўлган одамлар учун фойдали бўлган эшитиш воситаси яратишни режалаштирган. Қўшимча функциялар компаниянинг янги қурилмаларида бир ёки икки йил ичида пайдо бўлиши мумкин.

“AirPods”да аллақачон қисман қурилмадан эшитиш воситаси сифатида фойдаланиш имконини берувчи вариантлар мавжуд”, – дея эслатади Гурман.

Масалан, суҳбат давомида овозни кучайтириш. Бироқ, улар тиббий анжомлар сифатида сертификатланмаган. Хабарларга кўра, “Apple”, афтидан, соғлиқни сақлаш оламига ҳам кириб бормоқчи.

Яна бир нуфузли инсайдер Минг-Чи Куо аввалроқ “Cupertino” компанияси “наушник”лардан тиббий асбоб сифатида фойдаланишга оид бир қанча патентларни олгани ҳақида хабар берган эди. Улар орасида қулоқчинда яширинган датчиклар юрак уриши, тана ҳарорати ва терлаш даражаси ҳақида маълумот тўплайди.

Эслатиб ўтиш мумкин, “AirPods” бу “Apple” компанияси томонидан ишлаб чиқилган симсиз “Bluetooth” қулоқчинларидир. Улар биринчи марта 2016 йил 7 сентябрда “iPhone 7” билан бирга эълон қилинган. Икки йил ичида улар Стив Жобс асос солган компаниянинг энг машҳур аксессуарларидан бирига айланди. Энг сўнгги модель “AirPods” (3-авлод) 1 ва 2-авлод моделларининг ўрнини босса-да, иккинчи авлод қурилмалари ҳам компания веб-сайтида ҳали ҳам мавжуд.

Овозни ижро этишдан ташқари, “AirPods” фон шовқинини фильтрлайдиган микрофон, шунингдек, тегиниш ва қулоқ ичидаги жойлашувни аниқлашга қодир ўрнатилган акселерометрлар ва оптик сенсорларни ўз ичига олади. Аудио чиқариб олинганда эса автоматик пауза қилиш функцияси ишга тушади.

• Apple
• технология