АҚШнинг Украинага 61 миллиард долларлик янги ҳарбий ёрдам пакетини ажратиш тўғрисидаги қарори “жанг майдонидаги вазиятни ўзгартирмайди”.
Бу ҳақда Россия Федерацияси Давлат Думаси раиси Вячеслав Володин маълум қилди.
“АҚШ ўз қарори билан Украинани сўнгги украиналикгача жанг қилишга мажбур қилади, ниҳоят иқтисодиётни кўмиб ташлайди ва унинг келажагини барбод қилади. Аммо бу жанг майдонидаги вазиятни ўзгартирмайди”, деб ёзган Володин ўзининг Телеграм каналида.
Унинг сўзларига кўра, пулларнинг аксарияти Америка компаниялари томонидан олинади ва Украинага етиб борадиган маблағлар мамлакатни “қарз қуллиги”га айлантиради.
Эслатиб ўтамиз, бир кун олдин АҚШ вакиллар палатаси Украинага ёрдам бериш тўғрисидаги қонун лойиҳасини қабул қилди. Пакет ҳажми 60,84 миллиард долларни ташкил этади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!