Австралиянинг шарқий қирғоғида бир жуфт кулранг гигант кенгурулар лагер яқинида жанжаллашди. Бу ҳақда воқеа жойида бўлган “9News” телеканали мухбири хабар берган.

Қайд этилишича, ҳайвонлар чодирлардан бирига тасодифан кириб кетган ва унда ухлаётган сайёҳларни чўчитиб юборган. Бироқ маълум вақтдан сўнг улар лагерни тарк этган.

Хабар қилинишича, одамлар ва ҳайвонларнинг ҳеч бири жабрланмаган.

Қайд этиш мумкин, кулранг шарқий кенгуру (гигант кенгуру) ўз турининг иккинчи энг катта вакили ҳисобланади. Думи билан танасининг узунлиги ўртача 160 дан 280 сантиметргача, катта ёшлиларининг вазни 70 дан 90 кг гача. Улар 64 км/соат тезликда ҳаракатлана олади.

Бундан ташқари, бу кенгурулар кўпинча ва бажонидил одамлар билан мулоқот қилишади, камдан-кам ҳолларда тажовузкорлик кўрсатади. Улар кичик шаҳарлар ёки қишлоқлар яқинида жойлашиши мумкин.

• Австралия
• Сайёҳ