Бугун, 25 январь куни АҚШ резиденти Жо Байден Украинага Абрамс танкларини етказиб бериш қарорини эълон қилади. Бу ҳақда АҚШ маъмуриятининг ўзини ошкор этмаган вакилига таяниб, “Al Jazeera” телеканали хабар берди.

“Президент Байден “Абрамс” танкларини Украинага етказиб бериш қарорини қилади”, – дея америкалик расмийнинг сўзларидан иқтибос келтиради “Al Jazeera”.

Телеканал суҳбатдошига кўра, Вашингтон Киевга бермоқчи бўлган танклар “Пентагон омборларидан олинмайди, улар билан шартнома тузилади”.

24 январь куни “The Wall Street Journal” нашри манбаларга таяниб, АҚШ маъмурияти Абрамс танкларининг катта қисмини Украинага ўтказиш тарафдори эканини маълум қилган. Вашингтоннинг бу қадами Германия билан келишувнинг бир қисми бўлиб, унда Киевга оз сонли немис “Леопард 2” танкларини ажратиш, шунингдек бошқа мамлакатлар Берлиннинг Польша томонидан Германияда ишлаб чиқарилган танкларни етказиб беришга розилиги кўзда тутилган.

“The Wall Street Journal” нашри ортидан “Politico” АҚШ Украинага ҳарбий ёрдам сифатида камида 30 та “Абрамс” танкини юбориши мумкинлигини хабар қилди. АҚШ маъмуриятининг икки вакили нашрга етказиб бериш ҳақида эълон шу ҳафтадаёқ оммага ҳавола қилиниши мумкинлигини айтди. Газетанинг ёзишича, ҳарбий техника АҚШнинг мавжуд захираларидан ажратилмаган ҳолда сотиб олинади.

• АҚШ
• Украина