Қирғизистоннинг пойтахти Бишкек шаҳридаги кўплаб буюм бозорларида икки кундан буён митинглар давом этмоқда. Бунга ҳокимиятнинг  қабул қилган солиқ сиёсати сабаб бўлган.

Намойишчиларнинг айтишича, баъзилари контейнер ижараси учун пул ҳам тўлашга қийналади, шу боис ҳокимият томонидан таклиф қилинган махсус солиқ режими уларга мос келмайди.

«Мадина» ва «Ўрто-Сай» бозорларидаги савдогарлар ҳам оммавий намойишлар ўтказаётгани ҳақида маълумотлар бор.

 «Таатан», «Азиз», «Чинор» бозорларида ишлаётган тадбиркорлар ҳам бирлашишмоқда. Улар ҳокимиятдан патент бўйича ишлашга рухсат беришни ва тўловлар учун назорат-касса машиналаридан фойдаланиш мажбуриятини бекор қилишни талаб қилишни давом этмоқда, дейилади маҳаллий телеграм каналлари берган хабарларда.

• Бозор
• Қирғизистон