Хабарингиз бор, Исроил авиацияси Яман ғарбидаги Ҳудайда порт шаҳрига ҳужум уюштирди. Мазкур ҳужум натижасида нефть омборлари ва электр тизимлари портлатилиб, вайрон қилинди. Шунингдек, тинч аҳолининг бир қисми ҳам қурбон бўлди. БМТ Бош котиби Антониу Гутерриш эса мазкур ҳужум оқибатларидан қаттиқ хавотирда эканлигини билдирди.

Бутунжаҳон ташкилоти раҳбари идораси тарқатган хабарга кўра, Гутерриш барча томонларни максимал вазминликка чақирган.

“Бош котиб барча манфаатдор томонларни тинч аҳолига зарар етказиши ёки фуқаролик инфратузилмасига зарар етказиши мумкин бўлган ҳужумлардан қочишга чақиради”, – дейилади хабарда.

• БМТ
• Isroil
• Яман