“Қўшма Штатлар президентининг махсус вакили Стив Уиткоффнинг 2 мартда якунланадиган сулҳнинг биринчи босқичини узайтириш бўйича таклифи исроиллик асирларнинг ярмини биринчи куннинг ўзида озод қилишни назарда тутади. Қолган асирлар эса доимий ўт очишни тўхтатиш бўйича келишувга эришилгач озод қилиниши керак”, – деб хабар бермоқда The Times of Israel.

Хабарга кўра, ушбу келишув Рамазон ойининг охири — 29 март ва Пасха байрамининг охири — 19 апрелгача узайтирилади. Исроил расмийларининг таъкидлашича, ХАМАС ҳали Уиткоффнинг режасини қабул қилмаган. 

“Агар ХАМАС ўз позициясини ўзгартирса, Исроил ушбу режага доир барча тафсилотлар бўйича музокараларни дарҳол бошлайди”, – дейилади Исроил ҳукумати баёнотида.

Баёнотда дастлабки келишувга кўра, агар музокаралар самарасиз деб топилса, Исроил 1 мартдан кейин ҳарбий ҳаракатларни давом эттириш ҳуқуқига эга эканлиги эслатиб ўтилган.

Нетаняху идораси ХАМАС сулҳ келишувини бир неча марта бузганини, Исроил эса уни тўлиқ бажараётганини таъкидлаган. Шунингдек, ХАМАС ҳам Исроилни шартномага бандларига риоя қилмаганликда айблаган.

• АҚШ
• Фаластин
• Isroil
• shartnoma