Бугун Таиланднинг Чиангмай шаҳрида бокс бўйича катталар ўртасидаги Осиё чемпионатида эркаклар иштирокидаги финал баҳслари бўлиб ўтди. Кун давомида 10 нафар Ўзбекистон вакиллари рингга кўтарилди. Улардан 8 нафари қитъа чемпионлигини қўлга киритган бўлса, яна икки нафари Шаҳзод Музаффаров ва Жасурбек Йўлдошевлар тенг курашлар остида кечган баҳсларда қозоғистонлик боксчиларга кичик ҳисобда имкониятни бой бериб, чемпионатнинг кумуш медалига эгалик қилдилар.

Ўзбекистон эркаклар терма жамоаси мусобақа якунига кўра умумжамоа ҳисобида 8 та олтин, 2 та кумуш ва 1 та бронза медаллари билан қитъада тенгсиз бўлди.

Қуйида Осиё чемпионати совриндорлари билан танишинг:

Олтин медаль:

-48 кг: Шодиёржон Мелиқўзиев;

-51 кг: Асилбек Жалилов;

-57 кг: Миразизбек Мирзаҳалилов;

-63,5 кг: Адҳамжон Муҳиддинов;

-67 кг: Мужибилло Турсунов;

-71 кг: Ҳавасбек Асадуллаев;

-75 кг: Жавоҳир Умматалиев;

-80 кг: Тўрабек Ҳабибуллаев.

Кумуш медаль:

-54 кг: Шаҳзод Музафаров;

-86 кг: Жасурбек Йўлдошев.

Бронза медаль:

+92 кг: Жаҳонгир Зокиров.

• Бокс
• Осиё Чемпионати
• Tailand
• erkaklar