Бразилия Олий суди ва мамлакат Миллий Конгресси бинолари оралиғида камида иккита портлаш содир бўлди.

Олинган дастлабки маълумотларга кўра, бир киши ҳаётдан кўз юмгани айтилмоқда. Портлашлар 20 сония оралиғида содир бўлган ва ҳозирда ҳудуд кучли назорат остида.

Конгресс хавфсизлик хизмати портлашлар бино ўртасида тўхтаб турган машинада содир бўлганлигини рад этди.

Бразилия Бош прокурори Хорхе Мессиас ўзининг ижтимоий тармоқдаги баёнотида ушбу сўзларни айтиб ўтди: “Олий суд ва Миллий Конгрессга қилинган ҳужумларни қаттиқ қоралайман. Федерал полиция портлашларни синчковлик билан текширади. Биз ҳужумларнинг асл сабабини аниқлашимиз керак”.

Бундан ташқари, бош прокурор тинчлик ва тартибни тезда тиклашга чақирган.

• Braziliya
• portlash