Британиялик таниқли рассом Бэнкси Украинанинг Киев вилояти, Ирпень шаҳри фахрий фуқароси деб эълон қилинди. Бу ҳақида шаҳар кенгашининг расмий сайтида хабар берилган.

Бэнкси бир муддат аввал Украинага ташриф буюрган ва Киев вилоятидаги қатор шаҳарларга граффитилар чизган. Суратлар Ирпень, Гостомель ва Бородянка шаҳарларида жойлашган.

"Ирпен шаҳар кенгаши жаҳонга машҳур рассом Бэнксига Ирпень шаҳрининг фахрий фуқароси унвонини тақдим этди", – дейилади хабарда.

Бэнкси Украинага ўз суратларини туҳфа этгани ҳақида ёзган. Шаҳар расмийлари эса рассомнинг суратлари бутун дунё эътиборини Россия босқинининг ҳалокатли оқибатларига қаратганини алоҳида қайд этганлар.

• Fuqarolik
• Жаҳон
• Украина
• хабар