Турли Телеграм каналларида ходимлар бугун, 30 декабрь куни ишдан камида 1 соат олдин кетиш ҳуқуқига эга эканлиги ҳақидаги хабарлар тарқалди.

“Аммо бу нотўғри!” – дея ёзган Хушнудбек Худойбердиев.

Унинг тушунтиришича, Меҳнат кодексининг 121-моддасига биноан, фақат байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади:

“Эртага эса 31 декабрь. Бу сана расман ҳеч қандай байрам куни эмас.

31 декабрь – шанба 5 кунлик иш ҳафтасидаги ходимлар учун одатдаги дам олиш куни бўлса, 6 кунлик иш ҳафтасидаги ходимлар учун Президентнинг ўтган йилги фармони асосида дам олиш кунидир. Лекин байрам куни эмас.

Агар эртага 1 январь, бугун эса 31 декабрь бўлганда эди, ана унда 1 соат вақтли кетишимиз мумкин бўлар эди”.

Шу сабаб бугун ҳафатсига 6 кун ишлайдиган ходимлар тўлиқ иш вақти асосида фаолият юритади.

• Ishchi