Бухоро вилояти ИИБ берган хабарга кўра, вилоят ҳудудида фоҳишалик билан шуғулланиб, 40 га яқин кишига ОИТС касаллигини қасддан юқтирган аёл қўлга олинди.
Қайд этилишича, аёл 2017 йилда ОИТС касаллигига чалинган ва ўша вақтнинг ўзида диспансер назоратига олинган. Шунингдек, тегишли тартибда касалликни бошқаларга юқтирмаслик ҳақида огоҳлантирилган.
Аммо, у касал ҳолида бегона эркаклар билан жинсий алоқада бўлиб келган. У касалликни юқтирган 40 нафарга яқин эркакларнинг аксарияти оилали бўлиб, улар ўз навбатида турмуш ўртоқларига ҳам бу касалликни “ташиб ўтган”.
– Дўстларим билан кафеда ўтирганимизда, рўпарамизда ўтирган икки нафар қиз билан танишиб қолгандик. У пайтда биз маст бўлганмиз. Улар билан жинсий алоқа ҳам қилганмиз. Шундан кейин телефон орқали гаплашиб, алоқа қилиб турдик. Кейинроқ мен у қизларни ОИТСга чалинганини эшитиб қолдим. Сўнг тиббий кўрикка бордим. Шунда мен ҳам бу касалликни юқтириб олганимни билдим. Турмуш ўртоғим ҳомиладор. Ҳомиласи 6 ойлик. Қилган ишимдан жуда пушаймонман. Аммо, афсуски, энди кеч, – дейди аёлнинг собиқ мижозларидан бири.
Мазкур ҳолат юзасидан Бухоро вилояти ИИБ тергов бўлими томонидан Жиноят кодексининг 113-моддаси (Таносил ёки ОИВ касаллиги/ОИТСни тарқатиш)нинг 4-қисми билан жиноят иши қўзғатилган. Якунда жиноят иши айблов хулосаси билан судга оширилган.
Мазкур шахс суд ҳукмига кўра, 6 йил 6 ой муддатга озодликдан маҳрум қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!