Чехия Республикаси Украинага пиёда жанговар машиналари ва Т-72 танкларини етказиб берди.

Бу ҳақда Чехия парламентининг Европа ишлари бўйича қўмитаси раҳбари Ондрей Бенесик маълум қилди.

“Чехия Украинага пиёдаларининг жанговар машиналари ва Т-72 танкларини етказиб берди. Мудофаа вазири Яна Чернохова катта мақтовга лойиқ, ҳозир машаққатли жанг қилаётган Украина армиясига айнан шу нарса керак. Мен ишонаманки, буни амалга оширса бўлади”, деди Бенесик.

Ўз навбатида, Чехия мудофаа вазири Яна Чернохова танклар ва пиёдалар жанговар машиналари етказиб берилишини тасдиқламади ва Чехия Украинага асосий ҳарбий материалларни жўнатаётганини таъкидлади.

“Қизиқиш инсонга хосдир ва биз Украинага нима етказиб бераётганимизни билмоқчи бўлганларни тушунаман. Кечирасиз, кўп гапира олмайман... Ишонинг, биз украиналик дўстларимизга асосий ҳарбий материалларни юбормоқдамиз. Ва биз шундай буни давом эттирамиз”, - деб таъкидлади Чехия вакили.

Аниқланишича, Чехия Украинага ўз армияси томонидан фойдаланилмайдиган танклар ва пиёда жанговар машиналарни юборган.

Шунингдек, эски Т-72 танклари Украинага темир йўл орқали юборилади.
Маълумот учун, Чехия армиясининг омборларида ушбу танкларнинг 90 га яқин нусхалари бор эди.

• АҚШ
• Chexiya
• Россия
• Украина
• Yevropa Ittifoqi