10 апрель куни соат 07:30 да  Тошкент шаҳар Чилонзор тумани, Фурқат кўчасида, электромобиль ёнаётганлиги тўғрисида, Тошкент шаҳар ФВБга хабар тушган.

Шунга кўра, ёнғин-қутқарув техникалари айтилган манзилга соат 07:35 да етиб бориб, ёнғин соат 08:28 да ўчирилган.

Айтилган манзилда ёнғин натижасида, электромобилнинг аккумулятор қисмида ёнғин келиб чиққанлиги аниқланган.

Ёнғин оқибатида ҳалок бўлган ва жабрланганлар йўқ.

Ҳозирда ёнғин сабаби ва келтирилган моддий зарар миқдори аниқланмоқда.

“Эслатиб ўтамиз, ҳурматли фуқаролар барча электромобилларнинг батареялари ўзида жуда катта миқдорда энергияни сақлаши сабабли, халқаро тажрибага мувофиқ ёнғин чиққан аккумулятор ичидаги электр қуввати тўлиқ тугагунга қадар, аккумуляторни совитиш ишлари амалга оширилади. Шу сабабли ёнғинни ўчириш усули бошқа оддий ёқилғида юрувчи автомобиллардан фарқ қилади”, – дея огоҳлантирмоқда пойтахт ФВБ ахборот хизмати.

• Автомобил
• Chilonzor
• ёнғин