Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар беришича, Бош прокуратура ҳузуридаги Департаментнинг Чирчиқ шаҳри бўлими ва бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган Е.Т. сифатини тасдиқловчи ҳужжатлари бўлмаган хорижда ишлаб чиқарилган 3 турдаги жами 960 дона тамаки маҳсулотларини фуқаро Н.А га 59,2 млн сўмга сотган вақтида ашёвий далиллар билан ушланган.

“Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда” – дейилади хабарда.

• Бош прокуратура
• Чирчиқ
• Ўзбекистон