Маълум қилинишича, жорий йилнинг 3 ноябрь куни Ўзбекистоннинг шимолий ҳудудларига, 4-6 ноябрь кунлари республиканинг барча ҳудудларига совуқ ва нисбатан нам ҳаво массалари кириб келади. Республика бўйича об-ҳавонинг кескин ўзгариши кутилмоқда.

3-5 ноябрда баъзи жойларда ёмғир ёғади, тоғ олди ва тоғли ҳудудларда қорга айланади.

4-6 ноябрга келиб ҳаво ҳарорати аста-секин пасаяди ва кечалари 0-3 даража илиқни ташкил этади, баъзи жойларда совуқ бўлиши мумкин, кундуз кунлари 8-13 даража илиққача бўлади.

Ўзбекистоннинг айрим ҳудудларида 31 октябрда ёмғир ёғади. Бу йил ноябрь ойи қандай бўлади?

3 ноябрдан шимолий ҳудудларга, 4 ноябрдан Ўзбекистоннинг барча ҳудудларига совуқ ва нам ҳаво массалари кириб келишни бошлайди. 3-5 ноябрда республика вилоятларининг баъзи жойларида ёмғир ёғади, тоғ олди ва тоғли ҳудудларда қорга айланади.

Шунингдек, “Ўзгидромет” бутун ноябрь учун об-ҳаво прогнозини ҳам эълон қилди.

Унга кўра, Республика бўйлаб, 4-7 ноябрда ҳаво ҳарорати кечаси 0-3 даража илиққача, баъзи жойларда совуққача, кундузи 8-13 даража илиққача аста-секин пасаяди.

Кейинчалик ноябрь ойининг охиригача ҳаво ҳарорати кечаси 3 даража совуқ – 2 даража илиқдан 5-10 даража илиққача, кундузи 8-13 даража илиқдан 18-23 даража илиққача ўзгариб туради.

Ноябрь ойида ўртача ойлик ҳаво ҳарорати меъёрдан 1-1,5 даража паст бўлиши кутилмоқда, баъзи жойларда меъёрга яқин бўлади.

Ноябрь ойининг иккинчи ва учинчи ўн кунлигида (2-3 кун) ёғингарчилик асосан ёмғир кўринишида бўлиши кутилмоқда.

• Об-ҳаво
• Ўзгидромет