Кеча, 14 январь куни Украинанинг Днепр шаҳридаги кўп қаватли улардан бирига ракета урилиши натижасида 14 киши ҳалок бўлди. Бу ҳақда президент девонхонаси раҳбари ўринбосари Кирило Тимошенко маълум қилди.

“Россия босқинчилари 14 январь, шанба куни бўлиб ўтган йирик ўққа тутиш вақтида Днепрдаги кўп қаватли уйга зарба беришди. Днепрдан даҳшатли хабар. Биз кўп қаватли уйга кирдик”, – дея ёзган Тимошенко ўзининг телеграм каналида.

Унинг таъкидлашича, уйнинг барча кириш қисмлари вайрон бўлган, одамлар эса вайроналар остида қолган.

“Шунчаки, йиртқич ҳайвонлар, ҳеч бўлмаганда битта кириш жойи йўқ, вайроналар остида байрамда уйда бўлган одамлар бор”, – дея қўшимча қилган Кирило.

Таъкидланишича, 38 киши вайроналар остидан қутқариб олинган. Қидирув операцияси давом эттирилмоқда. Россия расмийлари ҳали вазиятга изоҳ бермаган.

Украина Ҳарбий-ҳаво кучлари вакили Юрий Игнатнинг маълум қилишича, Днепрдаги кўп қаватли бинога Россиянинг денгиздаги авиаташувчи гуруҳларни йўқ қилишга мўлжалланган Х-22 ракетаси келиб урилган. Унинг баёнотига кўра, Украина ҳаво мудофаа тизимлари бундай ракетани уриб туширишга қодир эмас.

Россия бу ракеталарни 5, 12 ва 29 декабрь кунлари ва ундан аввал ҳам Украинага қарши ҳужумларда ишлатган.

• Raketa
• Россия
• Украина
• hujum