Telegram ва ВКонтакте асосчиси Павел Дуров Қозоғистоннинг чеккасидан келган 12 нафар боланинг IQanat мактабида таълим олиши учун 350 минг доллардан ортиқ маблағ ажратди. Бу ҳақда “Tengrinews.kz” маълум қилди.

Қайд этилишича, грантлар оъқиш, яшаш, овқат, китоблар ва бошқа харажатларни қоплайди. Бу эса болаларга таълимни яхшилаш ва муваффақиятга эришиш имконини беради.

Павел Дуровдан грант олувчилар асосан катта оилалар ва кам даромадли оилалар ҳисобланади. Тадбиркор ҳар бир боланинг тарихи билан шахсан танишиб, улар қайси қишлоқлардан экани, қандай ўқув ютуқларига эришганини аниқлади. Энди ушбу болалар уч йил таҳсил олади.

Маълум қилишича, IQanat битирувчиларининг 90 фоизи Қозоғистон ва хориждаги энг яхши университетларга грант асосида ўқишади ва дунёнинг 16 давлатида таҳсил олишади.

• Дуров
• Қозоғистон