Эрон томони можаро тарафларига, шу жумладан Украинага ҳам қурол етказиб бермаслигини таъкидлаб, барча мамлакатларни ҳам шунга эргашишга чақирди. Хабарларга кўра, бу ҳақда Эроннинг БМТдаги пост-ваколатхонаси баёнотида айтилган.

“Эроннинг Украинадаги можаро ҳақидаги позицияси ўзгаришсиз қолмоқда. Эрон можарога алоқадор томонларга ҳарбий ёрдам кўрсатишни ғайриинсоний деб ҳисоблайди, бу эса инсон қурбонларининг кўпайишига, инфратузилманинг бузилишига ва сулҳ музокараларидан узоқлашишга олиб келади” – деди Эрон дипломатик ваколатхонаси. Эрон нафақат бундай ҳаракатларда қатнашишдан бош тортибгина қолмай, балки бошқа давлатларни можарога алоқадор томонларга қурол етказиб беришни тўхтатишга чақирмоқда.

Аввалроқ The Wall Street Journal газетаси номаълум Америка ва Европа расмийларига таяниб, Эрон Россияга қисқа масофали баллистик ракеталарни етказиб бергани ҳақида мақола чоп этган эди.

• Eron
• Қурол
• Raketa
• Россия
• Украина
• Уруш