АҚШ Миллий хавфсизлик агентлигининг собиқ ходими Эдвард Сноуден қасамёд қабул қилиб, Россия паспортини олди. Бу ҳақда унинг адвокати Анатолий Кучерена маълум қилди.
Қайд этилишича, Сноуденнинг рафиқаси ҳам Россия фуқаролигини олиш учун ариза топширмоқда.
Жорий йилнинг сентябрь ойида Сноуден Россия фуқаролигини олгани маълум бўлган эди.
Эслатиб ўтиш мумкин, 2013 йилда Сноуден оммавий ахборот воситаларига Америка разведка агентликларининг бутун дунё бўйлаб кузатув амалга ошириши ҳақидаги маълумотларни ўз ичига олган дастурлар ҳақидаги ҳақиқатни ошкор қилган эди. Шундан сўнг, АҚШда унга жосуслик ва давлат мулкини ўғирлашда сиртдан айблов қўйилган. Сноуден аввал Гонконгга, кейин эса Россияга қочиб кетган.
Сўнгра у “WikiLeaks” асосчиси Жулиан Ассанжнинг маслаҳати билан Россиядан сиёсий бошпана сўраган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!