Тожикистон президенти Эмомали Раҳмон бутун дунёда музликлар эриб бораётгани, аср охирига бориб, сайёрада музликларнинг учдан бир қисми йўқ бўлиб кетиши мумкинлигидан огоҳлантирди. Қўшни давлат раҳбари бу ҳақда БМТнинг “2025 йилга мўлжалланган йўл харитаси: Музликларни сақлаш халқаро йили” мавзусидаги тадбирда сўзлаган нутқида айтиб ўтди.
Мурожаатда қайд этилишича, Океанлар ва криосфера бўйича иқлим ўзгариши натижасида ҳукуматлараро панел ҳисоботига кўра (2019), дунё музликларининг учдан бир қисми XXI аср охирига қадар йўқ бўлиб кетиши мумкин.
“Биргина сўнгги 50 йил ичида Тожикистонда 1000 дан ортиқ музликлар тўлиқ эриб кетган, мамлакат музликларининг умумий ҳажми қарийб учдан бир қисмга қисқарган. Аҳоли сонининг ўсиши ва иқтисодий тараққиёт туфайли сувга бўлган талабнинг тез суръатлар билан ўсиб бораётганини ҳисобга олсак, бу жараённинг давом этиши салбий оқибатларга олиб келиши мумкинлиги ўз-ўзидан аён”, – дейди Эмомали Раҳмон.
Мутахассисларнинг фикрига кўра, сўнгги уч йил дунёдаги метеорологик кузатувларнинг бутун даври учун энг иссиқ йил ҳисобланади.
Сўнгги беш-ўн йилликда дунёда аҳоли жон бошига тоза сув кўрсаткичи 2,5 баробар, Марказий Осиё минтақасида эса 4 баробар камайган.
Бундан ташқари, Арктика ва Антарктика музликларининг эриши денгиз сатҳининг кўтарилишига сабаб бўлиб, дунёнинг юз миллионлаб аҳолиси, айниқса кичик орол давлатларининг ҳаётига таҳдид солмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!