Туркия президенти Ражаб Тоййиб Эрдўған Россия президенти Владимир Путин билан Сочида бўлиб ўтган учрашувда республикада биринчи бўлган Аккую атом электр стансиясини қуриш лойиҳасини муҳокама қилади.

Aгар Аккую АЕС қуриб битирилса, у Туркиянинг электр энергиясига бўлган эҳтиёжининг 20 фоизини қоплаши мумкин.

Туркия президентининг таъкидлашича, ушбу лойиҳа кечиктирилмаслиги лозим, ва ҳеч нарса унга монелик қилмайди.

Туркия ҳукумати реактор 2023 йилда ишга туширилишини кутмоқда.

Аввалроқ Аккую Нуклеар бош директори Анастасия Зотеева электр стансияси қурилиши 2023 йилгача якунланишини айтган эди.

Маълумот учун, “Аккую” Туркияда қуриладиган биринчи атом электр стансиясидир.

Лойиҳа 2010 йилда Россия ва Туркия ўртасида имзоланган ҳукуматлараро келишувга мувофиқ амалга оширилмоқда.

Станция тўлиқ Россия томонидан молиялаштирилади.

Россиянинг “Росатом” компанияси “Аккую ядровий” ОАЖнинг асосий акциядори бўлиб, электр стансиясини ривожлантириш, қуриш, техник хизмат кўрсатиш, фойдаланиш ва фойдаланишдан чиқариш билан шуғулланади.

АЕС ишга туширилгач, ҳар йили 35 миллиард кВт/соат ишлаб чиқарилади.

• АЭС
• Россия
• Туркия
• Yevropa Ittifoqi