Хитой шарқидаги Хедзиэ шаҳрига келиб тушган торнадо оқибатида беш киши ҳалок бўлди. 80 га яқин киши жароҳатланди, деб хабар беради “Закон.кз”.

Торнадо натижасида 88 киши турли даражада тан жароҳати олган. Улардан беш нафари шифокорларнинг уринишларига қарамай ҳалок бўлди, деб ёзади маҳаллий “Синхуа” агентлиги.

Дастлабки статистик маълумотларга кўра, торнадо оқибатида жами 2820 та бино ва 48 та электр узатиш линиялари шикастланган.

Кучли таъмирлаш ишлари натижасида транспорт коммуникациялари, алоқа, сув ва электр таъминоти асосан тикланган. Айни пайтда маҳаллий қидирув-қутқарув хизмати ходимлари томонидан жабрланганларни эвакуация қилиш ва жойлаштириш ишлари олиб борилмоқда, мутахассислар томонидан етказилган зарар ҳар томонлама ўрганилмоқда.

Хитой Миллий иқлим маркази маълумотларига кўра, Шандун провинциясида ҳар йили ўртача 1,5 та торнадо содир бўлади.

• Хитой
• tornado