Маълумотларга кўра, Эрон жануби-шарқидаги Раск шаҳрида жойлашган полиция бўлимига уюштирилган қуролли ҳужум оқибатида 11 нафар ҳуқуқ-тартибот ходими ҳалок бўлган. Бу ҳақда маҳаллий нашрлар хабар берди.

Маълум қилинишича, ушбу ҳужум тунда содир этилган.
“Раскдаги полиция бўлимида содир этилган теракт оқибатида 11 киши ҳалок бўлди”, дейилади хабарда.
Бундан ташқари, полиция отишма давомида бир неча ҳужумчини зарарсизлантирган.

Маҳаллий матбуотнинг ёзишича, ҳужум учун жавобгарликни Систон ва Белужистон вилоятида фаолият юритувчи “Jeyshul Adl” ташкилоти ўз зиммасига олган.

“Jeyshul Adl” минтақадаги балужлар ҳуқуқларини ҳимоя қилишини даъво қилади. Эрон ҳукумати “Jeyshul Adl”ни террорчи ташкилот сифатида тан олади.

• Eron
• Politsiya
• Теракт