Гаагада бўлиб ўтган альянс саммити чоғида Германия канцлери Фридрих Мерц Доналд Трампга “Украинадаги вазият нуқтаи назаридан АҚШ ҳам Россияга қарши янги санкцияларга қўшилиши зарурлиги юзасидан қатъий илтимос” билан мурожаат қилди.

“Бу можаронинг ҳарбий ечими йўқ. Биз Москвага иқтисодий босимни кучайтиришимиз керак”, — деган Фридрих Мерц .

Унинг айтишича, Европа Иттифоқи Россияга қарши 18-пакет санкцияларни 26 июнь куни якуний тарзда тасдиқлайди, аммо бу етарли эмас ва Қўшма Штатларнинг фаол иштироки зарур, чунки фақат Вашингтон Россия нефть ва газини сотиб олаётган Хитой ва Ҳиндистон каби давлатларга санкциялар жорий қила олади.

“Россия бутун НАТOга ҳужум қилиш учун етарлича кучли эмас, лекин у бир кун келиб бизнинг мудофаа қобилиятимизни синаб кўришга уриниб кўрмаслигига кафолат йўқ. Ҳеч ким ва ҳеч қачон альянсга ҳужум қилишга журъат қилмаслиги шарт!”, — дея таъкидлаган Германия канцлери.

• Gaaga
• Германия
• НАТО
• Yevropa Ittifoqi