Хитойнинг Цяньдаоху шаҳрида давом этаётган теннис бўйича ITF М25 турнири ўзининг қизғин палласига кирди.
Мусобақада тўртинчи рақам остида сараланган ўзбекистонлик теннисчи Сергей Фомин тонгда Хитой вакили, турнирнинг биринчи рақамли теннисчиси Сун Фажингга қарши кортга чиқди. Ярим финал босқичидаги мазкур беллашув 2 соат-у 16 дақиқа давом этди. Якунда Фомин сенсация қайд этган ҳолда 2:1 (6/3, 2/6, 6/4) ҳисобида зафар қучди.
Маълумот учун, бугунги ўйин олдидан Фомин ATP рейтингида 462, унинг рақиби Сун Фажинг эса 251-ўринни эгаллаб турган эди.
Энди ўзбекистонлик 24 ёшли теннисчи турнир ғолиблиги учун нейтрал мақомдаги ракетка устаси Николай Галакка қарши баҳс олиб боради. Сергейнинг дунё рейтингида 863-ўринда бораётган Галакка қарши ўйини эртага соат 7:00 да бошланиши белгиланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!