“Ал-Наср” ҳужумчиси Криштиану Роналду 2026/2027-йилги мавсумда дунёнинг энг кўп даромад топувчи футболчиси бўлиши кутилмоқда. Унинг умумий даромади 300 миллион долларга баҳоланмоқда.

Маълумотларга кўра, португалиялик футболчи Саудия Арабистонининг “Ал-Наср” клубидан 250 миллион доллар, бошқа манбалардан эса қўшимча 50 миллион доллар даромад олиши кутилмоқда.

Роналду даромади унинг энг яқин таъқибчиси Лионел Мессининг кутилаётган даромадидан икки баравардан кўпроқни ташкил этиши айтилмоқда.

Шундай қилиб, прогнозга кўра, Роналду 2026/2027-йилги мавсумда футбол оламининг энг кўп даромад топувчи вакили бўлиши мумкин.