Францияда фермерлар нархларнинг ошиши ва давлат субсидияларининг қисқартирилишидан норози бўлиб, 85 та бўлимда йўлларни тўсиб қўйишди. Бу ҳақда “Euronews” хабар берди.

Қайд этилишича, унда Франциядаги қишлоқ хўжалиги ишчиларининг норозилик намойишларида кўп намойишчилар қатнашмоқда.

“Биз қишлоқ хўжалигини ҳамма нарсадан устун қўйишга қарор қилдик. Бу Франция қишлоқ хўжалиги, бутун деҳқончилик дунёси, Окситания минтақаси ва бутун Франция деҳқонлари учун муҳим кун”, – деди Габриэл Аттал.

Бош вазирнинг ваъдаларидан сўнг, фаоллар баъзи автомагистраллардаги тўсиқларни демонтаж қилишларини эълон қилишди. Аммо норозилик ҳаракати ҳали ҳам ниҳоясига этгани йўқ.

Шунингдек, Франциядан ташқари, Германия, Руминия ва Польшада ҳам фермерларнинг норозилик намойишлари бўлиб ўтмоқда . Бунда асосан қишлоқ хўжалиги ходимлари дизель ёқилғиси нархи, азот ва иссиқхона газлари чиқиндиларини камайтириш талабларидан норози.

• Fransiya
• fermer
• norozilik