“Катта еттилик” мамлакатлари Украинани қўллаб-қувватлашда давом этишга келишиб олишди. Бу ҳақида G7 дипломатларининг Японияда ўтказилган учрашуви вақтида сўз борган.

“Биз бугун Украинани қанча вақт керак бўлса, шунча қўллаб-қувватлаш, унга ўзини ҳимоя қилиш, мустақил ва демократик келажакни таъминлашга ёрдам бериш, Россиянинг келгусидаги тажовузкор ҳужумларини тўхтатиш учун хавфсизлик масаласида, шунингдек иқтисодий ва институтционал ёрдам кўрсатиш масъулиятини оламиз”, – дейилади мамлакатларнинг расмий баёнотида.

Бундан ташқари, “Катта еттилик” мамлакатлари Украина президенти Владимир Зеленскийнинг тинчликни таъминлашга доир режасини қўллаб-қувватлашларини яна бир бор таъкидлаб, Россиянинг ядровий таҳдидларини кескин танқид қилишган. Франциялик вакиллар эса Хитойнинг можарони дипломатик йўл билан ҳал қилишга уринишини олқишлаган.

• G7
• Жаҳон
• Украина
• хабар