Криштиану Роналдунинг қаллиғи Жоржина Родригес 38 ёшли ҳужумчи билан муносабатлардаги ёқимсиз ҳолат ҳақидаги миш-мишларга жавоб берди.

“Ҳасадгўйлар миш-миш тарқатишади, ғийбат қилишади, аҳмоқлар эса уларга ишонишади”, – деб ёзган Жоржина ижтимоий тармоқдаги саҳифасида.

Аввалроқ ОАВда Жоржина савдо марказларида кўп вақт ўтказиб, катта миқдорда пул сарфлаб, Роналдуни безовта қила бошлагани ҳақида хабарлар пайдо бўлган эди.

Қайд этиш мумкин, Криштиану ва Жоржинанинг муносабатлари узоқ вақтдан буён давом этиб келаётган бўлса-да, улар ҳали ҳам турмуш қуришмаган.

Маълумот ўрнида, Роналду “Ал Насср” сафида 2023 йилдан буён тўп тепади. Футболчининг клуб билан шартномаси 2025 йилгача мўлжалланган.

Жорий мавсумда португалиялик ҳужумчи Саудия клуби сафида барча мусобақаларда 13 та ўйин ўтказиб, 11 та гол ва 2 та голли узатмага муаллифлик қилган.

• Футбол
• Роналду