Ҳиндистон президенти Драупади Мурму шанба куни Ассам штатидаги Тезпур авиабазасидан Су-30 МКИ қирувчисида жанговар парвоз қилди.

Ҳиндистон Қуролли кучларининг Олий қўмондони бўлган президент ҳаво кучлари базасига қайтишдан олдин Ҳимолойга қараган Браҳмапутра ва Тезпур водийсини кўздан кечириб, тахминан 30 дақиқа парвоз қилган.

Президент Мурму Ҳиндистоннинг учинчи президенти ва бундай парвозни амалга оширган иккинчи аёл президентдир. Самолётни гуруҳ капитани Навин Кумар, 106-эскадриля командири бошқарган.

“Ҳиндистон ҳаво кучларининг қудратли Сухой-30 МКИ қирувчи самолётида учиш мен учун ҳаяжонли тажриба бўлди. Ҳиндистоннинг мудофаа салоҳияти сезиларли даражада кенгайиб, қуруқлик, ҳаво ва денгиздаги барча чегараларни қамраб олганлиги ғурур манбаи ҳисобланади. Мен Ҳиндистон ҳаво кучлари ва Тезпур ҳарбий-ҳаво базасининг бутун жамоасини ушбу жанговар парвозни ташкил қилгани билан табриклайман", дейди Президент.

Су-30 МКИ қирувчиси Ҳиндистонда "Ҳиндустан Аеронаутиcс Лимитед" компанияси томонидан Россия лицензияси бўйича ишлаб чиқарилади. Ҳиндистон ҳаво кучларида 270 га яқин бундай самолётлар мавжуд.

• Ҳиндистон