Компания биринчи бемор дуч келган муаммоларни бартараф этишга ваъда берди. Иккинчи беморга ультра юпқа симларни мияга янада чуқурроқ киритиш режалаштирилмоқда.

АҚШ Соғлиқни сақлаш вазирлигининг Дори-дармонларни назорат қилиш бошқармаси Илон Маскнинг Неуралинк компаниясига Телепатия мия имплантатини иккинчи беморга имплантация қилишга рухсат берди.

Neuralink чипни иккинчи беморга – бу йил эса жами 11 кишига имплантация қилишни режалаштирмоқда. Экспериментда иштирок этиш учун жами 1 мингдан ортиқ ариза топширилди. Бундан ташқари, ўтган ҳафта Маск иккинчи тажриба учун кўнгиллиларни жалб қилишни эълон қилди.

Neuralink биринчи марта 2024 йил январида инсон миясига “Телепатия” нейрочипини жойлаштирди. Февраль ойида 29 ёшли Ноланд Арбо курсорни ақли билан бошқаришни ўргангани ҳақида хабар берилган эди. Тез орада у онлайн шахмат ва Марио Карт ўйнашга муваффақ бўлди.

Бироқ 15 май куни Reuters ўз манбаларига таяниб, Neuralink’нинг баъзи имплант контактлари узоқлашгани ва натижада маълумотларни узатиш самарадорлиги пасайгани ҳақида хабар берди. Манбаларга кўра, компания бу ҳақда ҳайвонларни синовдан ўтказиш босқичида ҳам билган.

• қизиқарли