Интернетда “Tesla” ва “SpaceX” компаниялари асосчиси, миллиардер Илон Маскнинг “ётоқхона”си акс этган сурат тарқалди. Фойдаланувчилар аввалига суратнинг ҳақиқий эканлигига ишонишмаган. Орадан кўп ўтмай Маскнинг ўзи ҳам бу ҳақида ёзиб, маълумотни тасдиқлаган.

“Аслини олганда, барчаси ёмон эмас. Кеча тунда мен дўстимнинг каравотида “қироллардек” уҳладим”, – дея ҳазил қилган миллиардер.

Суратда катта матрас жойлаштирилган бўм-бўш хона, рюкзак ва иккита ноутбукни кўриш мумкин.

Эслатиб ўтамиз, Илон Маск аввалдан бадавлат инсонларнинг ҳаёт тарзи ҳақидаги тасаввурларни ўзгартиришга ҳаракат қилиб келган. Шу боисдан интернет фойдаланувчиларининг айримлари умумий бойлиги 200 миллиард АҚШ долларидан ошиқ бўлган тадбиркорнинг оддийгина ётоқхонада тунаб қолганидан ҳайратга тушишмаган.

• Ilon_Mask
• миллиардерлар
• қизиқарли