BBC маълум қилишича, Исроил ҳарбий-ҳаво кучлари зарбалари Тел-Авив яқинида Ҳусийларнинг навбатдаги ракетаси уриб туширилганидан кейин амалга оширилган.

САХАЛ вакили нишонлар орасида Қизил денгиз портлари ва Яман пойтахти Санадаги энергетика инфратузилмаси борлигини маълум қилган.

Al Masirah телеканали Салиф портида етти киши ва Ҳодейда вилоятидаги Рас Иса шаҳрида жойлашган нефть иншоотида икки киши ҳалок бўлганлиги ҳақида хабар берган.

Зарбалардан икки соат олдин Исроил ҳаво ҳужумидан мудофаа тизими Ямандан мамлакатнинг марказий қисми томон отилган ракетани тутиб олгани хабар берилган эди. Маълумотларга кўра, ракета ҳужуми натижасида Тел-Авив марказидан узоқда жойлашган мактаб биноси ва бир нечта машинага зарар етган.

• Havo hujumi
• Isroil
• Яман