Жанубий Кореянинг Муан шаҳрида самолёти ҳалокатга учраган Jeju Air авиакомпанияси фожиа учун узр сўраб, фалокат сабабини аниқлаш учун барча имкониятни амалга оширишга ваъда берди, – деб ёзмоқда Yonhap ахборот агентлиги.

“Ҳозир тафсилотларни аниқлаш устида ишлаяпмиз”, – дейилган қисқача баёнотда.

Эслатиб ўтамиз, бугун маҳаллий вақт билан соат 9:07 да Jeju Air компанияси 7C 2216 рейси бўйича 181 киши билан учган “Боэинг  737-800” лайнери Муан аэропортига қўнаётганда учиш-қўниш йўлагидан чиқиб кетиб, панжарага урилган ва ёниб кетган.

Сўнгги маълумотларга кўра, ҳалок бўлган 75 кишининг шахси аниқлангани, икки киши қутқарилгани  эълон қилинган. Ҳаво кемаси саҳнида 173 нафар Жанубий Корея, 2 нафар Таиланд фуқароси бўлган.

• Авиаҳалокат
• Janubiy Koreya