Yonhap ахборот агентлигининг ёзишича, Жанубий Кореянинг Чежу шаҳридан учган самолёт экипажи парвоздан кўп ўтмай шасси билан боғлиқ муаммони аниқлаган. Шу сабабли учувчилар аэропортга қайтишга қарор қилган.

“Мазкур рейс 29 декабрь куни ҳалокатга учраган самолётга ўхшаш Boeing 737-800 модели томонидан амалга оширилган. Ҳодиса натижасида ҳеч ким жароҳат олмади, самолёт муваффақиятли равишда учиш аэропортига қайтиб қўнди”, – деб ёзмоқда агентлик.

Эслатиб ўтамиз, кеча Бангкокдан учиб келган Jeju Air авиакомпаниясига тегишли самолёт Муан аэропортига қўниш чоғида ҳалокатга учраган эди. Самолёт бортида 175 йўловчи ва 6 экипаж аъзоси бўлган, улардан 179 нафари ҳалок бўлган. Ҳалокатга сабаб шасси билан боғлиқ носозлик ёки қушлар билан тўқнашув бўлиши мумкинлиги тахмин қилинмоқда.

• Janubiy Koreya
• aviakompaniya