15°
Кечаси 2°
Жорий йилнинг 18 июнь куни соат тахминан 15:30 ларда Тошкент шаҳрида яшовчи ҳайдовчи “ЧАCМАН / Л3000” русумли юк автомашинасини Жиззах вилояти Ғаллаорол тумани ҳудудидан халқаро аҳамиятга эга М39 автомобил йўлининг 1010 км.да “Самарқанд-Тошкент” йўналишида йўлнинг довон қисмида ҳаракатланиб кетаётиб, ушбу юк автомашинасига уланган узун ўлчамли юкларни ташишга мўлжалланган яримтиркама узилиб кетган. Жиззах вилояти ИИБ ЖХХ ЙҲХБ Ахборот хизмати ҳолат юзасидан маълумот берди.
Натижада, ушбу яримтиркама йўлнинг довон қисмидан пастга қараб йўлни иккига ажратиб турувчи бетон тўсиқларга сидирилиб 400-500 метр масофагача ҳаракатланиб тўхтаган.
Суриштирув давомида ушбу яримтиркама юк автомашинасига уланадиган қисмидан қўпорилиб кетганлиги маълум бўлган.
Ушбу ҳодиса натижасида ҳеч ким тан жароҳати олмаган ва йўловчи автомашиналарга ҳам шикаст етмаган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
