31°
Кечаси 18°
Эрон Ташқи ишлар вазирлиги баёнотида қайд этилишича, 2015 йилда имзоланган “ядровий келишув”нинг 10 йиллик муддати тугагани сабабли, унинг барча қоидалари “ўз кучини йўқотиб бўлган”. Шу билан бирга, Теҳрон ўзининг “дипломатияга содиқ” эканини яна бир бор таъкидлади.
“Ядровий келишув” деб аталадиган Эроннинг ядровий дастури бўйича қўшма кенг қамровли ҳаракатлар режаси 2015 йилда Эрон, АҚШ, Россия, Хитой, Германия, Франция ва Буюк Британия ўртасида имзоланган бўлиб, унинг асосий мақсади Теҳрон томонидан ядровий қурол яратилишининг олдини олиш эди. АҚШ Доналд Трампнинг биринчи президентлик даврида ушбу келишувдан чиқиб кетган.
“Ядровий келишув” шартларига қайта риоя этиш бўйича музокаралар 2020 йил апрелида Венада бошланган, бироқ натижасиз якунланган. 2025 йилнинг баҳори ва ёзида АҚШ ва форс давлати ўртасида янги “ядровий келишув” бўйича бир неча раундли музокаралар ўтказилган эди, аммо улар Исроил ва АҚШнинг Эрон ядровий дастурига қарши ҳарбий амалиёти туфайли тўхтатиб қўйилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
