Бу ҳақда АОКАда бўлиб ўтган брифингда Мажбурий ижро бюроси ахборот хизмати раҳбари Фаррух Тошпўлатов маълум қилди.

Давлат фойдасига 18,5 трлн сўм, тадбиркорлик ва бошқа субъектлар фойдасига 10,4 трлн сўм ҳамда банклар фойдасига 12,3 трлн сўмлик маблағлар ундирилган.

Жумладан, Ўзбекистон фуқароларининг манфаатлари учун 1,7 трлн сўмдан ортиқ ундирувлар амалга оширилган.

Фуқароларнинг мол-мулкига дахл қилмасдан ва мажбурий ижро ҳаракатлари ўтказилмасдан ахборот технологиялари ёрдамида масофавий тарзда ишлайдиган 15 та туманлараро бўлимлари томонидан 760,1 млрд сўмлик, 2,1 млн.та ҳужжатларнинг ижроси таъминланган.

Энергия ресурслари соҳасида 44 250 дан зиёд ижро ишлари тамомланиб, 907,6 млрд сўмлик қарздорликлар ҳам ундирилган.

Моддий ёрдамга муҳтож фарзандлар фойдасига 1,7 трлн сўмлик алимент маблағлари ундирилган.

“Алимент тўловлари” жамғармаси ҳисобидан вояга етмаган фарзандини моддий таъминлашдан бўйин товлаганлик учун жиноий жавобгарликка тортилган қарздорларнинг 620 нафар ундирувчиларига 20,9 млрд сўм зарар пуллари тўлаб берилган.

Ишсиз алимент тўловчи фуқароларнинг 23 245 нафари ишга жойлаштирилган, шу билан бирга олиб борилган тушунтириш ва профилактика ишлари натижасида, 12 300 дан ортиқ оилалар яраштирилган.

• МИБ